السلام عليكم ورحمه الله وبركاته

انا اليوم جايب لكم قصايد من افضل الشعار لـ الشاعر الكبير عيد الصعصاع الحريجي

واتمنى ان تنال اعجابكم

ولا تنسو التقييم


لاتحرش بالنظر :

لا تحرّش بالنظر وانت ما عندك صلاح
من لواحظها تمدّ البساط الاحمدي

تستفز اللي معَ الدرب معزول السلاح
ومن هَدَب عينك تعمّد خـَطاك وتعتدي

تحْسب انّ اللعب بأعصاب خلق الله مباح
تستغلّ الحُسن وتمثـّل الطبع الهَدي

عندي إحساس بفشل ما يبشّربالنجاح
يقتل زهورالمحبه على الغصن الندي

راحت ايامي وانا مثل مكسور الجناح
لا ابتسم حظي بوصْلك وَلا قام سْعَدي

أحتريك من اوّل الليل كلّه للصباح
وصرت بأسبابك خويَّ العتيم السرمدي

وأنت شرهاتك كبيره ومدّاتك شـْحَاح
والوعايد سالفة ليل تصْبح وتغـَدي

إنْ شكيتك من ظما ما تورّدني قراح
واللقا بك صار بُعْد الثريّا والجدي

لين طاب الخاطر اللي تريّح وإستراح
لعنبو حظٍ يحدّه على مِنـّة ردي

العزوم إنْ سولف الجـِدّ بغـْياب المزاح
والله لـْتسمع خبَرها وانا عند وْعَدي

أقدر انسى كل ماضيك واشعر بإرتياح
لا تحَسْب انِّي بَليّاك ما اعيش وْحَدي

يجبر الخاطر ويسلى وتلتمّ الجراح
والعيون الليل كلّه تبات وترقدي

إعتبرني واحدٍ صادفك مَرّه وراح
وأنت ابَعْتبرك حمامه وطارت من يَدي.


.................................................. ........
وقريباً بإذن اللـه سوف تحصلون على بعض القــــــصائد على نفس الصفحه

ومتمنين لكم التمتع

مع قصائد الشاعر الكبير عيد الصعصاع الحريجي

---

rwhz] hgahuv hg;fdv(ud] hgwuwhu hgpvd[d ) hgahuv hgwuwhu hg;fdv(ud]

والان القصيده الثانيه

لاشاعر (عيد الصعصاع الحريجي )

غرامك خذى عقلى ...

دخيل العيون الناعسات الوساع السود
دخيل الكحل والحاجب ورمشك وفيه

من اهدابك اللي كنها راجمـات سكـود
ليا برموجوها مـن منصـات روسيـه

تقوى بها شعب الكرملن وطن وحـدود
وتحدابهـا يو..اس..اي..الشمالـيـه

بهاالكونقرس يحتج ويعارض الليكـود
مشاكـل لهاحـل بطـرق دبلوماسيـه

تعبرالفضاء وان برمجوها بعيـد تـزود
وتصيب الهدف تسعه وتسعين بالميـه

اثرهاعلـى دارالمعـادي هجـاد رقـود
تهد البيـوت وتقتـل الطفـل واخيَـه

حدث تكنلوجي مانجح عند ابو محمـود
تخصص دراسـات العلـوم الفضائيـه

غرامك خذى عقلي وزاد القيـود قيـود
وجمالك جذبنـي للامـور السياسيـه

وانا في بلادٍ شيدوهـا ملـوك الجـود
بالايمان ماهـو بالـرؤوس النوويـه

تواصوا على السنه وشرع الله المعبود
وهم بالصعاب خوان نوره هـل الهيـه.

والقصيده الثالثه

داخليــــــــــــــه تكنلوجي

أتـمــنــى وأدري إن الـتـمـنّــي مـايـصـيــر
والـتـمـنــي ماذكـر بـالـعـمـر ودا وجــــــاب

جيب في إكس آر توّه من المصنـع صديـر
تختصربـه نـازح البـيـد وتـعـدي الصـعـاب

جـاهـز ٍبـاأربـع تـوايـر وخامسـهـن سبـيـر
نقشة المصنـع عليهـن مثـل روس الحـراب

فــل كـامـل يفـتـح النـفـس ويـسّـر النظـيـر
يختفـي مـثـل الشـبـح ويتـلاشـا بالـسـراب

طلّعـه وأشـرف عليـه المهنـدس والخبـيـر
يشتغل مـع دقة السلـف مـن دون إضطـراب

داخـلـيــه تكـنـلـوجـي وطـبـلـونـه مـثــيــر
وإنظـمـة مواصفـاتـه تـعـد مـــن الـعـجـاب

ناعـم ٍكشنـه مـن الجلـد الاصلـي والحريـر
ملمـسـه نـاعـم مـثـل خــد مجـلـي الـعـذاب

ان مشـا جـاك يتصلفـق لشكمـانـه صفـيـر
صلفقـة ورق ٍمـع الـريـع خاطفـهـا عـقـاب

اوكـمـا فــرخ ٍ دعـولـه وهـــدوه العـصـيـر
صـاح لـه راعيـه وأومالـه اللـوح الغـيـاب

أوكـمـا الـلـي بـالـمـدرّج تـهـيّـت للمـطـيـر
فوّضت من مجلـس الامـن ترمـي ماتهـاب

أوكـمــا مـــزن ٍ تـحــدر لــرعّــاده هــديــر
مــن هماليـلـه تـعـاوت محـاديـر الهـضـاب

ان حـدر تقـول دلـو ٍ هـوى فــي جــم بـيـر
أومخابيـط أخمـس ٍ طلّـعـوه مــن الـجـراب

إن عطيـتـه قــال بالأنجلـيـزي يـس سـيـر
إرتفـع خشمـه وعبـر الاشـارات إستـجـاب

لوتـركـب لــه جناحـيـن مـخـطـور ٍ يـطـيـر
الـحـذر يـامـروٌح اللـيـل شمـسـك لاتـغــاب

ان سرىتقطـع بـه الليـل باللـيـت القصـيـر
لون شمعاتـه كما البـرق بخشـوم السحـاب

وأن نطـح واقبـل مـع الـدرب تحتاروتحيـر
وإن عرض من شعشعة نيكله تقرى الكتاب

تـاكـيـاً مـــع المـلـفـات والــخــط الـغـزيــر
يـاخـذ اللـفـه ســـوى ويـتـلـوى تـقــل داب

تـايـره لمصلفـحـات الحـصـى شـر وشـريـر
دورتـه تعلـن علـى الارض ثـوره وإنقـلاب

إشتهـر بالشـرق الاوسـط وحطولـه سفيـر
وبالجزيـره مالغـيـره مـكـان مــن الـعـراب

مــاوزن بلـفـه وشّـيــك عـلـيـه ابوسِـمـيـر
الصناعه جت من العلـم ماجـت مـن كبـاب

فكـرتـه مـاهـي لنـوبـل ولامـــن شكسـبـيـر
هندسه فن وصياغـة تـوازن وإنـسـيـاب

مصـدره ماينسـب لجـورج بـوش ولابلـيـر
دولـة ٍ بالعـلـم طـالـت طمـوحـات الشـبـاب

ومـصـنـعـه سر إقتـصـاد الـبـلاد المسـتـنـيـر
صـادراتـه تـرفـع الـيّـن وتـزيــد الـحـسـاب

هندستهـا معجـزه عـن بـلاد الـغـرب غـيـر
ثامـنـة سـبــع العـجـايـب نـهــارٍ مـايـغـاب

دولــة ٍ لـمـدوّر الــرزق فيـهـا كـــل خـيــر
مـــن سكـنـهـا مايـفـكـر بـهــم الإغـتــراب

والله إنــي ماركـبـتـه ولانـــي بـــه خـبـيـر
أمنـيـه وأطــرد وراهــا خـطـا وإلاصـواب

والعمر يقفـي ويقـبـل عـلـى جنـحـان طـيـر
واعــرف ان الادمــي مــاوراه إلا الـتــراب

أن ردى حظـك مـع الوقـت قـل بالامر خـيـر
جـل مـن يفتـح لـلارزاق بيديـه الـف بــاب

ولاأنـامـانـي مـشــاور سـمـيـر ولاسـمِـيــر
معـجـب ٍ بالجـيـب وأظــن مثـلـي مايـعـاب

خـابـرإنـه سّـيــد الـمــال والـجــاه الكـبـيـر
مـركـبـه قدر ومقام ومهابه وإحـتـسـاب

غـالـي ٍ مايرخـصـه كــود سلـمـان الامـيـر
مـن مـلـوك بـلادنـا الـلـي يفـكـون الـرقـاب

يـاقـف بـوجـه الصعيـبـات وتــذل وتصـيـر
وللـعـلا يـاطـا عـلـى الـكـايـدات ولايـهــاب

من يديـن ٍتمسـح الدمـع عـن وجـه الفقيـر
تـقـدم وتــارد علـيـه الظـنـون ولا تـخــاب

وقفتـه تـوفـي بـهـا الـديـن وتـفـك الاسـيـر
نادر ٍمـن بيـن أهـل نجـد محشـوم الجنـاب

ألين من اللين وأقطع من السيـف الشطيـر
وأخطرمـن النار وأبـرد مــن زلال الـشـراب

وأطيـب مـن الطيـب وأحلا وألذ مـن الغـديـر
واقدم من الذيب وأقوى مـن عـزوم الركـاب

ان بـغــا يعـطـيـك مايسـتـشـار ولايـشـيــر
ومـن سعـى بالخير يجـزى بالأجر وبالثـواب

والقصيده الرابعه

جيت من وحشة ايامك

جيت من وحشة ايامك تحسب الخطاوي
لانــدم واعتـــــــذار ولا دمــــوعٍٍٍٍ تسيل

لا بطرفن خجـــول ولابوجٍه حياوي
ولا معك من خطــاي الي تقـــــوله دليل

الخطاء والصواب برايك انت امتسـاوي
وما تحس بعذاب الا نقطــاع الطــــــويل

امس خليتني مثل الغريــب الجــــــلاوي
كل يوم ن عن ا ركـــابه يحــط ويشـــيل

بس اسولف وادور مثلي انسان هــاوي
وما لقيت الصـــديق الي يفـك الدخيــــل

سود الا يــام راحت بالا مل والرجـاوي
ذقت مر الالــم منـــها كثيــــر وقلــــــيل

وانهت الحب طيبة خـــاطرن مايــراوي
مالقا من هواك الا الدمــوع الحصــــيـل

عد بما جيت به ماني مثـــل منت ناوي
رجعتي لك بعد من ســــابع المستحــيل .

وإن شاء الله راح اجيب لكم القصائد الباقيه

عن قريب

واهم شي تقييم الشااااااااااااااااااااااااعر لاتنسونه

الله يعطيك العآآفيآآآ
ولايحرمنآآآآ من مجهوودك الرآآئع

لله درك
فقد كانت حروفك كالاعصار
في وجه الازرق
ابداعكِ فرض كلماته على الصفحات السحرية
لاحرمنا الله هذه الكلمات
لك خالص احترامي